Khulason (summaries), tashreehat, get thru guides, aur keys say parhnay ka yahi nuqsaan hota hay kay phir aysi aadat lag jati hay kay salees zaban main likha aik safha bhi parhna aur samjhna dushwar hojata hay aur insaan khulason kay liay doosron ka dast-e-nagar hojata hay.
Hum log buhat jald ghabra jatay hain, aur himmat chor daytay hain. Roshni ki choti si kiran bhi gahray andheray ko khatam karnay ki koshish karsakti hay. Allah ki bari naymat hay kay osnay hamain sehat di hay. Dimagh dya hay kay soch sakain.
Aik 23 saal kay larkay kay baray main sochain, jiski death aik la-ilaj bimari ki waja say taqreeban yaqeeni ho. Os larkay ki aik tang bhi naqli (amputated) ho. Wo bilkul aik aam (ordinary) insaan ho. Phir bhi wo logon ki bahtari kayliay bharpoor +ve koshish karay bajaay apni yaqeeni death ka intizaar karnay kay. Ham sab sirf sochtay hi rah jatay hain kay kia karain ya ham kia karsaktay hain. Oskay samnay bhi shayad yah question hoga. Oska jawab osnay iss tarha dya kay osnay cross country marathon ka irada kia. Aur phir dunya nay daikha kay osnay apni determination say, 1 tang say (with other fake leg) 143 days main taqreeban 23 mile/day kay hissab say 3,339 miles complete kiay.
Omeed hay kay aap main say kafi log Terry Fox kay baray main jantay hongay.
http//en.wikipedia.org/wiki/Terry_Fox
http//www.youtube.com/watch?v=ZF8k8hpyp_A
Bharpoor sihat aur energies kay honay kay bawajood, rozmarrah zindagi main change lanay kayliay +ve approach rakh kar kam karna tu dur ki baat, agar hamain aaj maloom hojay kay hamara qyam iss dunya main ab sirf kutch mahino ka hi rah gya hay, tu ham main say kitnay hongay jo hai hai kay siwa bhi kutch aur bol sakain gay.
hmmmmmm.rite yasir.....really Allah hi himt dy hum to kuch b ni.after ur this post me thinking k waqai hum choti choti baton py iq qader paraishan ho jaty hain k lgta hai sb khtm.or bohat sy log waqai jo mushkil mai hoty hain apni will power sy namumkin ko mumkin kr dikhaty hain.really hats off to them.
Aap ki post parh kar tu mari aankhon main aansoo hi agai.
Aap khud bhi initiavie lijiyay jesay namia nay lia hay ), chalain aaj wada karain k Aap ainda say apnay Pakistani bhaiyon ko Sponser karain gay ) iss ki shrooat isi forum say karain tu kya khoob misaal kaim hogi, Aur kyun k yeh Acha mashwara mainay dia hay Tu kyun na aap mujh say start karain )
Yeh kar k dikhain, Aur in maayoos forum members ko Yeh proof kar dain k agar iraday pakay hon Aur neeyat saaf ho Aur sab say barh kar yeh k Allah ki razamandi ho Tu insaan wakai bohat kuch kar sakta hay. buss xiada sochain mat confuse ho jaingay.
Jahan tak mujhay Canadian immigration ki maloomaat hain, kisi aysay legal tareeqay say, jiski requirements main puri karsakon, tu sponsor karnay ka mujhay maloom nahi hay. Agar aap ko maloom ho tu yahan awami faiday kay liay tahreer kardain.
Waysay aapnay yah tu suna hi hoga kay, awal khawaish baad darwaish, yani kay charity begins at home. Ab agar aysa koi legal tareeqa ho bhi tu mujh par pahlay mayray sagay bhai/bahno, aur phir relatives, aur phir doston, aur phir muhalay daaron ka badarja haq hay. Haan main aapko bhi iss list main (aapki khwaish par) in sub kay baad shamil karlayta hun. Allah say omeed hay kay Canadian immigration laws main kabhi na kabhi tu tabdeeli aay gi hi InshaAllah aur phir in sub kay bhalay kay baad aapki baari bhi aahi jay gi. Waysay omeed mat choryay ga, kionkay omeed par dunya qayam hay, aur baqol shair "paywasta rah shajar say omeed-e-bahar rakh."
Waysay aapki logon say waaday laynay ki aadat bhi khub hay. Mujhay aik sahib yaad aagay. Pichli martaba jab main Pakistan main tha tu batoon batoon main apnay liay Canada main larki daykhnay ka kahnay lagay aur jatay jatay farmanay lagay kay waada karain kay zaroor daikhain gay Canada main larki. Ab aap hi batayay zara, agarcha shadi karwana aik naik kaam hay, magar iss tarha foreign national larki ki basis par bahar janay ki try karna zara ochi si harkat lagti hay. Aakhir mard tu apna rasta khud banatay hain aur apna kunwan (well) khud khodtay hain, nakay booday tareeqon par inhisaar. Theek kah raha hun na main. Aapka kia khyal hay?
Mazeed yah kay Canada tu baychara aik jamhoori (democratic) sa country hay, jahan sab logon kay yaksan huqooq hain. Ab yah koi Saudia jaysa mahan mulk tu hay nahi kay jahan chand (few) logon ko aam awam say zyada huqooq hun kay wo jisay chahain jahan say chahain bula bhaijain. Ya sheikh visa bhaij ki istilah tu main nay kabhi suni nahi yahan. Afsos kay yahan sheikh bhi nahi rahtay warna shayad apki khwahish poori hosakti. Baycharay Canadian PM kay paas bhi aysa koi ikhtyar nahi hay jaysa Saudia kay sheikhon ko haasil hay.
Waysay main nay iss forum par zara sanjeedah students kay liay, jo apni mahnat say study karkay Canada jana chahtay hain, onkay liay "Canadian immigration and ACCA etc.." kay naam say "Students" ki category main aik thread start kia hay. Agar kabhi aapko general discussion main shughal farmanay kay baad kutch waqt mayyasar hotu daikhnay ki koshish zaroor keejyay ga. Omeed hay kutch faida hoga.
Itni tafseeli Fehrist Farmaa di Mukhtasar yeh k Aap Katana chah rahay hain ) Khair Dil per mat lain main Tu mazaak hi kar raha tha obviously, her cheeze ka ek sahi waqt hota hay Dear Aur Jab Baher nikalnay k liay mari Profile tyaar hojai gi Tab main process start karunga.
Baki Rishtay tu aap talaash kar hi rahay hain, un sahab k ilawa mujhay bhi yaad rakhiyay ga Abb say. Koi larki ho jisaay kisi humdard ki zaroorat ho tu mujhay zaroor bataiyay ga ) Lakin mari intentions woh nahi hain jo un sahab ki thin, Meray khayal main yeh Gori-maim Achi hoti hain shadi k liay Na ghar walay inhain kuch kehtay hain Woh sochtay hain kon English main maghaz-maari karay, Aur BV ghar walon k moo nahi lagti. Tu Saas bahoo dono khush Aur humain garebi main Nationality bhi mil jati hay ...........
Apart from this, I really appreciate your efforts. Main bhi aap ki thread parhta hun Haan kuch likhta nahi.