POETRY??

[Mahtab]

jin ko dunya ki nigahon se chhupaye rakha
jin ko ik umr kalejay se lagaye rakha
deen jin ko jinhein eeman banaye rakha
tu ne duniya ki nigahon se jo bach ker likhey
salha sal mere naam barabar likhey
kabhee din mein tou kabhee raat ko uth ker likhey

teri khushboo mein base khat mein jalata kaisey
pyar mein doobey huee khat mein jalata kaisey
tere hathon kay likhay khat mein jalata kaisey
teri khat aaj mein ganga mein baha aaya hoon
aag behtey huey pani mein lagata kaisey.

[Mahtab]

Yuh To Guzar Raha Hai, Harek Pal Khusi Ke Saath
Phir Bhi Koi Kami Si Hai, Kyu Zindagi Ke Sath

Rishte Wafaye Dosti, Sab Kuch To Pass Hai
Kya Baat Hai Pata Nahi, Dil Kyu Udaas Hai

Har Lamha Hai Hassen, Nayi Dil Kashi Ke Sath
Phir Bhi Koi Kami Si Hai, Kyu Zindagi Ke Sath

Chahat Bhi Hai Sukun Bhi Hai Dilbari Bhi Hai
Aakho Me Khawab Bhi Hai, Labo Par Hasee Bhi Hai

Dil Ko Nahi Hai Koi, Shikayat Kisi Ke Saath
Phir Bhi Koi Kami Si Hai, Kyu Zindagi Ke Sath

Socha Tha Jaisa Waisa He Jewan To Hai Magar
Ab Aur Kis Talash Mein Baichain Hai Nazar

Kudrat Bhi Meharban Hai Daryadili Ke Saath
Phir Bhi Koi Kami Si Hai, Kyu Zindagi Ke Sath

[Mahtab]

kuchh an kuch tou zaroor hona hai
samna aaj un se hona hai

toro, phenkon, rakho kero kuchh bhee
dil hamara hai kya khilona hai

zindagi aur maut ka matlub
tum ko pana tum ko khona hai

itna darna bhee kya hai duniya se
jo bhee hona hia woh tou hona hai.

uth ke mehfil sey mat chaley jana
tum sey roshan yeh kona kona hai

kuchh an kuchh to zaroor hona hai
samna un se aaj hona hai.

[Mahtab]

Suntay Hai Key Miljatee Hai Har Cheez Dua Se,
Ek Roz Tujhe Mang Ke Dekhege Khuda Se,

Duniya Bhi Mili Hai, Gume Duniya Bhi Mila Hai,
Woh Kyu Nahi Milta Jise Manga Tha Khuda Se,

Aye Dil Tum Unhe Dekh Ke Kuch Aaise Tadapna,
Aajaye Hasi Unko Baithe Hai Khafa Se,

Jab Kuch Na Mila Haath Duayo Ko Utha Kar,
Phir Haath Uthane Hi Pade Hamko Dua Se

[Mahtab]

sham se ankh mein nami se hai
aaj phir aap ki kami see hai

dafn ker dou hamein kay sans mile
nabz kuchh der sey thamee se hai

waqt rehta naheen kaheen tik ker
is kee adat bhee admi see hai

koee rishta naheen raha phir bhee
aik tasweer lazmee see hai.

sham se ankh mein nami se hai
aaj phir aap ki kami se hai.

[Mahtab]

aag ho to jalane main dair kitnii lagatii hai
barf ke pighalane main dair kitnii lagatii hai
chaahe koi ruk jaaye chaahe koi rah jaaye
qaafiloon ko chalne main dair kitnii lagatii hai
chaahe koi jaisaa bhii ham_safar ho sadiyoon say
raastaa badalne main dair kitnii lagatii hai
yay to vaqt kay bas main hai ke kitnii mohalat daay
varnaa baKht Dhakne mainn dair kitnii lagatii hai
mom kaa badan lekar dhuup main nikal aanaa
aur phir pighalne main dair kitnii lagatii hai
soch kii zamiino main raaste judaa hoon to
duur jaa nikalne main der kitnii lagatii hai

[Mahtab]

Khudaa Humko Aisee Khudaayee Na De
Ke Apne Siwa Kuchch Dikhaayee Na De

Khatawaar Samjhegee Duniyaan Tujhe
Ke Itnee Ziyaada Safaayee Na De

Hanso Aaj Itnaa Ke Is Shor Mein
Sada Siskiyon Ki Sunaayee Na De

Abhi To Badan Mein Lahoo Hai Bahot
Kalam Cheen Le Roshnaayee Na De

Khuda Aise Ehsaas Ka Naam Hai
Rahe Saamne Aur Dikhayee Na De

[Muhammad Adnan Arshad]

ARZ KIYA HAI ......!!!!!

1
mithha intazaar tay intazaar nalo yaar mithha
mithha yaar tay yaar nalo piyaar mithha
mithha piyaar tay piyaar nalo mithhi saadhi yaari
aistoo mithha kujh nai labna; lab lai duniya saari!

2
ishq aur azaadi dono bahar-e-zeast k sama hai
ishq mairi zindagi aur azaadi maira eemaa hai
ishq pay ker doon mai apni saari zindagi magar ..
azaadi pay maira ishq b qurbaan hai !!

3
paani ka ek katra aankh saay girra abhi abhi
kia aapnay mujhaay yaad kiya abhi abhi
aapsay millay zamana howa magar ..
yoon laga, koi mujhsay mil k gaya abhi abhi!!

4
aasmaan ko neend aayay tu sulaayain kahan
dharti ko maut aayay tu dafnaayain kahan
sagar mai lahar aayay tu chupaayain kahan
hamain aap kee yaad aayay tu jaayain kahan

5
(*aik chut pata sher b tu ho jaayay)
aap hamaari gali mai aayay
thorha sharmaayay, thorha itraayay
thorha muskuraayay, thorha ghabraayay
phir ik dum zor saay chillaayay
ALOO CHHOLAAY BARHAAY KARAARAY MASALAY WALAY

[Humaira]

AOA.....how all of u.... nice poetry Mr adnan[)]


yeh dard kum to nahien hay kay to humein na mila
yeh aur baat kay hum bee naaa ho sakay teray

ok Allah hafiz[)]

[Muhammad Adnan Arshad]

1
yeh ishq nahi aasaan bus itna samaj leejeeyay!
ik aag ka daryaa hai; aur doob ker jana hai

2
khushee k sath duniya mai hazaron ghum b hotay hain
jahan bajtee hai shahnai, wahan maatam b hotay hain

Thanks "HUMAIRA" for your encouragement. I welcome you on the forum again after a long span.

[Humaira]

AOA[)]


yuuN to har lamhaa terii yaad kaa bojhal guzaraa
Dil ko mahasuus huii terii kamii shaam ke baad

okAllah hafiz[)]

[mrihfl]

hi all of frined

apanii rusavaa_ii tere naam ka charchaa dekhuu.N
ek zaraa sher kahuu.N aur mai.n kyaa kyaa dekhuu.N

niind aa jaaye to kyaa mahafile.n barpaa dekhuu.N
aa.Nkh khul jaaye to tanhaa_ii kaa sahara dekhuu.N

shaam bhii ho ga_ii dhundhalaa ga_ii aa.Nkhe.n bhii merii
bhuulanevaale mai.n kab tak teraa rastaa dekhuu.N

sab zide.n us kii mai.n puurii karuu.N har baat sunuu.N
ek bachche kii tarah se use ha.Nstaa dekhuu.N

mujh pe chhaa jaaye vo barasaat kii Khushbuu kii tarah
ang ang apanaa usii rut me.n mahakataa dekhuu.N

tuu merii tarah se yaktaa hai magar mere habib
jii me.n aataa hai ko_ii aur bhii tujh saa dekhuu.N

mai.n ne jis lamhe ko puujaa hai use bas ek baar
Khvaab ban kar terii aa.Nkho.n me.n utarataa dekhuu.N

tuu meraa kuchh nahii.n lagataa hai magar jaan-e-hayaat
jaane kyo.n tere liye dil ko dha.Dakataa dekhuu.N

Contributed by Umang Bali

[Muhammad Adnan Arshad]

nice poetry by mrihfl

[mak_thecaian]

salam to all!
ranjeshain sahi dil hi dukhaane k liye aa
aa phir se mujhe chor k janay k liye aa
n ophie bhai aap ne jo versus quote kiye hain ye GHALIB k hain
MIR TAQI MIR k nahi

[Muhammad Adnan Arshad]

nice poetry